ಶಿವಮೊಗ್ಗ: ಆರ್ಟಿಒ ಇ-ಚಲನ್ ಹೆಸರಿನಲ್ಲಿ ವಾಟ್ಸ್ಆ್ಯಪ್ಗೆ ಬಂದ ನಕಲಿ ಎಪಿಕೆ (APK) ಫೈಲ್ ಮೇಲೆ ಕ್ಲಿಕ್ ಮಾಡಿದ ವ್ಯಕ್ತಿಯೊಬ್ಬರು ₹4,34,507 ಹಣ ಕಳೆದುಕೊಂಡಿದ್ದಾರೆ.
ಸಾಗರದ ವ್ಯಕ್ತಿಯೊಬ್ಬರು ವಂಚನೆಗೊಳಗಾಗಿದ್ದಾರೆ. ಕಳೆದ ಏಪ್ರಿಲ್ 29ರಂದು ಸಾಗರದ ವ್ಯಕ್ತಿ ವಾಟ್ಸ್ಆ್ಯಪ್ಗೆ RTO E-challan ಹೆಸರಿನ ಎಪಿಕೆ ಫೈಲ್ ಬಂದಿತ್ತು. ಅದನ್ನು ಅವರು ಓಪನ್ ಮಾಡಿದಾಗ ಒಂದು ಅಪ್ಲಿಕೇಶನ್ ಡೌನ್ಲೋಡ್ ಆಗಿತ್ತು. ಸಾಗರದ ವ್ಯಕ್ತಿಯು ಅದರಲ್ಲಿ ತಮ್ಮ ಕೆವೈಸಿ (KYC) ಮಾಹಿತಿ ಭರ್ತಿ ಮಾಡಿದ್ದರು. ಆದರೆ ಅದರಲ್ಲಿ ಯಾವುದೇ ಮಾಹಿತಿ ಪ್ರದರ್ಶನವಾಗದ ಹಿನ್ನೆಲೆ ಅವರು ಆ್ಯಪ್ನಿಂದ ಹೊರಗೆ ಬಂದಿದ್ದರು.
ಈಚೆಗೆ ಸಾಗರದ ವ್ಯಕ್ತಿ ತಮ್ಮ ಮೊಬೈಲ್ ಚೆಕ್ ಮಾಡಿದಾಗ ಹಣ ಕಡಿತವಾದ ಮೆಸೇಜುಗಳಿದ್ದವು. ಯೂನಿಯನ್ ಬ್ಯಾಂಕ್ ಖಾತೆಯಿಂದ ₹4,09,317 ಮತ್ತು ಹೆಚ್ಡಿಎಫ್ಸಿ ಬ್ಯಾಂಕ್ ಖಾತೆಯಿಂದ ₹25,189 ಸೇರಿದಂತೆ ಒಟ್ಟು ₹4,34,507 ಹಣ ಹಂತ ಹಂತವಾಗಿ ಕಡಿತವಾಗಿರುವ ಸಂದೇಶಗಳಿದ್ದವು.
ತಕ್ಷಣವೇ ಎಚ್ಚೆತ್ತುಕೊಂಡ ಅವರು 1930 ಸೈಬರ್ ಸಹಾಯವಾಣಿಗೆ ಕರೆ ಮಾಡಿ ಆನ್ಲೈನ್ ದೂರು ದಾಖಲಿಸಿದ್ದರು. ಘಟನೆ ಸಂಬಂಧ ಶಿವಮೊಗ್ಗದ ಸಿಇಎನ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
